یہ کہانی ایک بہت ہی پیارے کپل مرم کائزان کے گرد گھومتی ہے۔
مرم ایک معصوم خوبصورت لڑکی ہے
اور کائزان مصر کا مشہور گینگسٹر اپنے آپ میں رہنے والا مغرور شہزادہ ہے
یہ کہانی ہے مصر کے مشہور گینگسٹر کائزان کی اور اسکے جنون کی یہ کہانی ہے مرم کی بیوقیوں کی اسکی شرارتوں کی اسکی معصومیت کی۔
کیسے مرم نے اپنی شرارتوں سے کائزان کو دیوانہ کر دیا ۔
اس کی آنکھ کھلی تو وہ روم میں اکیلی تھی۔کائزان کہاں گیا تھا ۔اسے اندازہ نہیں تھا ۔لیکن صبح فجر کے وقت وہ سو رہا تھا اس کے ساتھ ہی۔
یہ گنگسٹر جی کہاں ہیں شاید باہر ہوں گے۔ وہ سوچ کر بیڈ سے اٹھی تھی
وہ جلدی سے اٹھ کر فریش ہوتی الماری میں اپنے کپڑے دیکھنے لگی تھی ۔
بہت بڑا نہ سہی لیکن ایک چھوٹا سا ڈریسنگ روم تھا جس میں بے شمار کپڑے ایک لائن میں لگے ہوئے تھے ۔
وہ ان میں سے کپڑے پسند کرتی اپنے لیے ایک اور خوبصورت سے جوڑے کا انتخاب کر چکی تھی ۔
وہ اسے بتا چکا تھا کہ یہ سب کچھ اسی کا ہے تو وہ کچھ بھی پہن سکتی تھی۔
سوچ کر اس نے اپنے لیے آج کی مناسبت سے نیلے رنگ کے جوڑے کا انتخاب کیا تھا ۔
یہ کپڑے بھی بہت خوبصورت تھے اور سب سے اہم بات تو یہ تھی کہ وہ ان کپڑوں میں بہت ریلیکس تھی ۔
اپنے بالوں میں ٹھیک سے کنگھی کرتے ہوئے اس نے سر پر دوپٹہ لیا ۔
اور دروازہ کھولتے ہوئے اس نے باہر کی طرف جھانکا تھا ۔
دیکھا تو باہر کوئی بھی نہیں تھا ہاں لیکن دروازے کے پاس ایک لڑکا کھڑا تھا وہ جب سے اس گھر میں آئی تھی اس لڑکے کو یہی کھڑے دیکھا تھا ۔
یقینا وہ گھر کے اندر کے ضروری کام نپٹاتا تھا ۔
اس نے باہر آتے ہوئے اسے سلام کیا جس کا جواب اس نے نہایت احترام سے دیا تھا ۔
میم آپ ناشتہ کر لیں سر تھوڑی دیر کے لیے کسی ضروری کام کے سلسلے میں باہر گئے ہیں انہیں واپس آنے میں تھوڑا سا وقت لگ جائے گا ۔
وہ اسے ٹیبل کی طرف چلنے کا اشارہ کرتے ہوئے مودبانہ انداز میں بولا ۔
میں تھوڑی دیر کے بعد ناشتہ کروں گی ۔آپ مجھے بس یہ بتائیے کہ وہ جانور میرا مطلب ہے مسٹر ڈبلیو اپنے پنجرے میں بند ہیں نا۔
اس کا ارادہ باہر جانے کا تھا لیکن اس سے پہلے اسے ڈبلیو کے بارے میں جاننا تھا ۔
جی میم ڈبلیو اپنے پنجرے میں ہے ۔کیا آپ اس سے ملنا چاہتی ہیں وہ اس کی طرف دیکھے بنا بولا تھا اسنے نوٹ کیا تھا کہ وہ اس کی طرف دیکھ کر بات نہیں کر رہا تھا بلکہ اس کی نگاہیں زمین کی طرف جھکی ہوئی تھیں ۔
میرا کیا دماغ خراب ہے جو میں اس سے ملنا چاہوں گی ۔
مجھے باہر جانا ہے لیکن مسٹر ڈبلیو سے مجھے بہت زیادہ ڈر لگتا ہے اگر میں باہر جاؤں گی تو کیا وہ مجھے ۔۔۔۔۔۔۔۔”
نہیں میم ڈبلیو آپ کو کسی طرح کا کوئی نقصان نہیں پہنچائے گا آپ ریلیکس ہو کر باہر جا سکتی ہیں ۔
وہ اسے بے فکر کرتے ہوئے اس کی بات کاٹ کر بولا تھا ۔
پکی بات ہے نا اس نے یقین دہانی کے لیے پوچھا تو اس نے صرف ہاں میں سر ہلا کر اسے یقین دلایا تھا ۔
