Meri Har Kami Ko Hai Tu Lazmi By Huria Malik

اسنے ساکت نظروں سے اپنے سامنے اپنے خیال کو مجسمِ سراپا بنے دیکھا تو اسکا دل ایک دم سے سکڑ کے پھیلا۔اسے لگا کہ وہ اسکے چہرے پہ بکھرے رنگوں سے اسکے دل کا حال جان لے گا۔ اسی لیے اس نے دل کا چور چھپانے کو اپنا سرخ چہرہ نیچے کو جھکایا۔ وہ اسے یونہی ایک جگہ جمے دیکھ کے ہولے سے قدم بقدم نیچے اترتا اسکے سامنے آن رکا۔ اسکے سامنے آنے سے اسکے مضبوط سراپے کے آگے اسکا نرم و نازک گڑیا کی مانند سراپا ایک دم سے چھپ سا گیا۔ اسنے اسکے آ کے کھڑے ہونے پہ بمشکل نظریں اٹھاتے اسکے چہرے پہ نظر ڈالنی چاہی لیکن اسکے چہرے تک جانے سے پہلے ہی اسکی پرحدت نظر کی بدولت وہ نظر لرز کے جھک گئی۔ “پریہان اور ہدیٰ کو کچھ دیر تک میں ادھر لے آتا ہوں۔ مہندی کا کمبائن فنکشن مینشن میں ہی ہو گا اور اس سے پہلے نکاح کی رسم ہو گی تو آپ جلدی سے ریڈی ہوں۔ٹائم شارٹ ہے۔” اسنے سنجیدگی سے تفصیل بتائی تو وہ کافی حیران ہوئی. “کمبائن فنکشن ادھر کیوں؟” اسنے اتنی بے ساختگی سے پوچھا کہ اسنے دایاں ابرو اچکاتے ایک ہاتھ براون جینز کی پاکٹ میں ڈالتے اسے دیکھا۔