Jalti Barish novel By Huria Malik complete novel

” ویسے مجھے تمہارے گھر والوں کی غیر موجودگی کی کچھ خاص سمجھ نہیں آئی۔ ” اچانک بائیں جانب سے آتی سر گوشی نما آواز پہ اس نے گردن گھما کے دیکھا تو سجاول بالکل ناک کی سیدھ میں چلتا اس کے ہمراہ اس کے جواب کا منتظر تھا۔ ” بیٹے کے ایسے گھناونے فعل کے باعث کوئی شریف باپ دادا مارے شرمندگی کے یوں عدالتوں کے چکر کیسے لگا سکتے ہیں ؟” پر سکون انداز میں ادھر ادھر دیکھتے ہوئے اس نے جواب دیا تو سجاول نے بمشکل مسکراہٹ روکتے ہوئے اس کے گرد چلتے سپاہیوں کو دیکھا۔ یہ تمہارے سسرالی اپنی صاحبزادیوں کو کیوں نہیں لائے ساتھ جبکہ کیس میں ان کی موجودگی از حد ضروری ہے ۔ ” سجاول کی زبان میں پھر سے کھجلی ہوئی تو شہر یار کی آنکھوں میں ایک دلکش سا سراپا لہرایا۔ یہ تم خود ان سے معلوم کر لینا۔ ” بے نیازی سے کہتے ہوئے وہ اس سے دو قدم آگے چلا گیا۔ اور پھر دوران ساعت جب وکیل نے استفسار کیا تو ان کے وکیل کا جواب سن کے وہ سلگتی ، وہ سلگتی آنکھوں سے ان کو دیکھنے لگا۔